ВОЗДУШЕН СООБРАЌАЈ

Голема педагошка вредност во усвојувањето на нови поими како и формирање на нови концепти на знаења, игра интересот и мотивацијата за учење кај децата. Тие ги обожуваат сообраќајните средства особено авионите.

Овој месец се запознаваме со воздушниот сообраќај и неговите превозни средства. За децата од возрасната група од 4-6 „Авиончиња“ од Матичен објект, авионот како превозно средство е особено важен. Разговараме за начинот на превоз преку воздух, ја развиваме меморијата, го опишуваме авионот. За таа цел децата ја научија стихотворбата „Авион“, моделираа со пластелин и градеа со ситни коцки.

Дење ноќе по небото,

авионот лета,

како ѕвезда прекрасна

во срце ни цвета.

 

Авионот знајте сите,

најбрз е во лет

патниците тој ги носи

за час низ цел свет.

 

Автор: Ненад Џамбазов (Слонче во авионче)

 

Преку сите овие активности ги збогатуваме знаењата за воздушниот сообраќај и ја развиваме фината моторика. Повелете драги мои другари „Авиончиња“.

Имате ли Вие некоја друга идеа?

Подготвил воспитувач:

М-р Сања Алексоска